Номзодларни танлаб олиш жараёнларини марказлашган ҳолда бошқариш, шаффофлиги ва очиқлигини таъминлаш мақсадида корхоналар кузатув кенгаши тўғрисидаги маълумотлар, шунингдек уларнинг таркибидаги бўш ўринлар, эълон қилинган танловлар ва уларнинг натижалари ҳамда корхоналар фаолияти бўйича бошқа маълумотлар ушбу веб-порталда эълон қилиб борилади
Устав капиталида давлат улуши 50 фоиз ва ундан ортиқ бўлган хўжалик жамиятлари ва давлат унитар корхоналари давлат иштирокидаги корхоналар деб аталади.
Кузатув кенгаши таркиби аъзолигига номзодларни тармоққа оид билим, бошқарув тажрибаси, молиявий, корпоратив бошқарув, стратегик режалаштириш ҳамда бошқа малакалар каби мезонлар асосида танлаб олинади.
Аризани бўш ўрин учун танлов эълон қилинганда топширишингиз ва танловда қатнашишингиз мумкин. Номзодлар томонидан ариза ва маълумотлар махсус веб-порталга электрон рақамли имзо (ЭРИ) билан ёки идентификация қилиш имконини берувчи бошқа воситалар орқали тасдиқланган ҳолда жойлаштирилади, норезидент номзодлар бундан мустасно.
Аризани тўлдиришда қуйидаги видеоқўлланмадан фойдаланишингиз мумкин.
Беш ва ундан ортиқ кузатув кенгашларида аъзо бўлган шахслар кузатув кенгаши аъзолигига давлат улуши бўйича номзод бўла олмайдилар.
Маълумотларни бириктиришда ушбу видеоқўлланмадан фойдаланишингиз мумкин.